譚耀文 Patrick TAM

香港著名男歌手、演員。

2017-01-31

恭喜發財! 踏入雞年的大年初四，雞年第二晚的遊學全世界、遊學聽我講，大家聽緊開心遊學恭喜你的時間啦！頭先我Ricky就分享了一些泰國過年，亦即係四月中的潑水節的一些習俗，無獨有偶，今晚遊學聽我講的嘉賓－譚耀文，都會分享一些在泰國拍攝電影的製作文化！

講開泰國電影，大家可能會馬上想起「嚇鬼阿嫂」、「人妖打排球」、「鬼影」、「來自日記的妳」等電影，其實泰國的電影工業同配套都幾蓬勃的，創意都幾新鮮，我最近都認識了一位本地電影界的朋友，副導演Jack，佢都有去過泰國拍攝電影的經驗，佢同譚耀文都不約而同覺得，香港的電影人工作速度是好快手的，有一些變動都可以好快咁執生，但係泰國的電影工作者，相對來講就比較慢了，未必太識應付突發的情況！

咁凡事兩體的，香港電影工作快速下，就會有點緊張，反而泰國人就會比較輕鬆對待，Jack就話記得同一些泰國電影爆破人員合作，佢地講笑咁講，如果佢地十隻手指都仲係度，就代表佢地信得過，絕對安全了！！而且泰國人都係比較熱情，台前幕後都願意學習，經過和香港人的合作之後，泰國電影人都覺得獲益良多的！而且Jack 就話，泰國人雖然篤信佛教，但係片場中講究開鏡拜神，反而係香港的電影工作者，真係唔講唔知了！

不知譚耀文係泰國拍戲係點樣的呢？同阿Jack有無分別呢?不如馬上聽聽他的分享！