李樂詩博士 Dr. Rebecca Lee Lok Sze

極地科學工作者

2017-07-28

上次提過斯里蘭卡喺英國殖民統治期間叫做錫蘭。而講起錫蘭，好自然就會諗起紅茶，因為茶的確係斯里蘭卡最重要嘅出口產業，而斯里蘭卡亦係世界四大產茶國之一。

但係喺19世紀中前期，斯里蘭卡都未有產茶，係去到1867年，有一位蘇格蘭人James Taylor去到當時仲係叫錫蘭嘅斯里蘭卡個度「掘金」，而撞啱佢負責開墾嘅咖啡園受到疫症侵襲而無法維持，所以咖啡園主就將茶種交俾佢開荒試種，結果喺20畝地內開始茁壯成長，展開左今日斯里蘭卡茶嘅興盛，而James Taylor更被後人稱為錫蘭茶之父。

時至今日，斯里蘭卡每年大約生產25萬噸茶葉，但係茶嘅種植基地只限於島國嘅中央高地同南部低地。而錫蘭茶嘅其中一種主要分法，就係按種植地嘅海拔作區分，當中分成三類：包括高山茶、中海拔茶、低海拔茶。一般黎講，產區嘅海拔越高，紅茶的茶色就會越淡泊，香氣亦會越醇，所以以地區劃分嘅紅茶，一般都係以高山茶屬於頂級茶葉。而為左保護錫蘭紅茶的金漆招牌，斯里蘭卡政府仲統一頒發左錫蘭茶質量標誌，等大家可以以資識別。

咁去到斯里蘭卡遊學除左錫蘭茶值得一試之外，仲可以有D咩特別嘅遊學體驗呢？即刻聽下去過斯里蘭卡參加國際服務團嘅郭怡欣同學，同李樂詩博士，仲有MiuMiu夏妙然分享佢同當地人相處嘅體會。

(照片由被訪者提供)

只有百分百喺斯里蘭斯卡生產嘅茶先可以稱為錫蘭茶