李樂詩博士 Dr. Rebecca Lee Lok Sze

極地科學工作者

2017-07-14

講到炸雞排、珍珠奶茶、蚵仔煎、滷肉飯，相信大家都應該估到要介紹嘅係台灣。

上述提到嘅都係台灣夜市常見嘅經典美食，夜市更係唔少遊客去台灣必到嘅景點之一。有見及此，台北市政府舉辦左「2017台北夜市打牙祭」活動，選出經典嘅30道夜市美食，並且邀請民眾推薦唔喺名單之中嘅美食遺珠，如果推薦嘅美食獲得熱烈討論，仲有機會納入夜市十大美食嘅票選名單之中。

呢一個打牙祭總共有8個夜市參與，包括寧夏夜市、雙城街夜市、遼寧街夜市、延三夜市、華西街夜市、梧州街夜市、臨江夜市，同埋廣州街夜市。喺下星期五，7月21日就會正式登場，活動期間更適逢係台北世大運，除了觀賞精彩賽事外，還可以到各大夜市大快朵頤。

如果俾你揀嘅話，你又會揀邊種台灣美食作為逛夜市嘅必食之選呢？有咁多好野食真係有D難揀…… 唔知以下落黎去過台北遊學嘅呢一位嘉賓，佢喺當地最難忘嘅體驗又喺咪同食有關嘅呢？即刻將時間交俾李樂詩博士仲有MiuMiu夏妙然同蔡培峰傾下佢喺台北野柳嘅體驗。