李樂詩博士 Dr. Rebecca Lee Lok Sze

極地科學工作者

2017-08-18

上星期同大家分享過芬蘭試行緊「基本收入」嘅福利政策，政策究竟會令失業嘅人安於現狀，還是鼓勵到佢地積極去搵工呢？結果係點仲要等多兩年先知…… 不過啱啱獲選為宜居城市第九位嘅芬蘭赫爾辛基，喺今年秋季又有新嘗試，打算啟動一項自動駕駛汽車試驗。屆時，自動駕駛嘅巴士將會喺馬路上行駛，仲會接載乘客。

呢種小型巴士可以接載 12位乘客，車速只會係 7 英里 / 小時，即係大約11公里/小時。喺試驗過程中，車上會有司機，以防出現緊急狀況。而未來，佢將會係全自動駕駛。而目前，呢款自動駕駛巴士面臨嘅挑戰之一，就係佢行駛嘅速度慢，而且非常謹慎，所以其他有人駕駛嘅車就可以好容易爬佢頭。

雖然自動駕駛嘅巴士行得慢，但佢地可以按需要載客，唔洗遵循傳統巴士嘅固定路線，行程上彈性大D。長遠而言，如果技術發展得更好，又有全面配套嘅話，係可以令公共交通變得更便捷。

有機會去芬蘭遊學嘅朋友，遲D可以體驗一下坐呢種自動駕駛嘅巴士。而以下落黎呢位嘉賓去過芬蘭做交換生，雖然未必可以話你知坐自動駕駛巴士係咩滋味，但係喺森林寄宿嘅感覺，佢就可以話你知。即刻將時間交俾李樂詩博士同MiuMiu夏妙然同今晚嘅嘉賓蔡惠嫻同學傾下佢喺芬蘭遊學嘅體會！

(照片由被訪者提供)

在森林寄宿究竟是什麼滋味呢？