learning
遊學全世界 Learning Adventure
遊學聽我講
遊學聽我講 > 夏妙然 Serina Ha
夏妙然 Serina Ha
夏妙然 Serina Ha

香港電台數碼台主持


日本WWOOF農場工作體驗 (1)

2015-11-25

 

去日本working holiday,大家除咗觀光之外,緊係想透過打工去體驗生活啦。對於打工嘅種類,大家各有唔同嘅喜好。有啲朋友鍾意熱鬧,會响大城市打工,好似居酒屋, 便利店等。就想遠離城市煩囂嘅朋友,就會去溫泉旅館﹑農場﹑牧場之類嘅地方一路打工一路感受大自然。
 
我地之前曾經介紹過日本有個叫做WWOOF嘅組織,係專門協 助一 般人去農場做 義 工,體驗有機栽培技巧之餘,亦感受一下農場嘅生活。佢嘅運作方式係義工提供短暫勞力,每日幫手工作4~6個鐘,農場主人就提 供食宿比義工。喺互相信任、經驗交流嘅原則底下,一齊完成有機栽培,過程係完全無金錢交易嘅行為,意思 即係 農場主人係唔 會有 酬勞俾義工嘅。
 
但畢竟日本係一個高消費國家,如果長期純粹以義工嘅方式工作,就一路都無收入,未必儲到足夠嘅去下一個目的 地, 如果有啲經濟上幫補下旅費咁就最好不過嘞。
 
今次要介紹嘅工作就比較特別嘅,佢地嘅方式係:一半義工 ボ ラン ティア (volunteer)、一半打散工 アルバイト(arbeit),將兩者二合為一就稱為「ボ ラバイト」 (bo-ra-bai-to)嘞。依個組織有啲似WWOOF,都係以响農場同牧場做義工居多,好多農場响農繁期同住宿設施嘅入住高峰期,短期內都需要大量人手。「ボ ラ バイト」佢地希望建立一個平台,等全國嘅學生﹑在職人仕等可以體驗一下從未 接觸 嘅農場工作。 透過一齊 工作互相接觸溝通,促進都市人同當地人對相方嘅了解。佢地亦都歡迎working holiday嘅外國人參與。
 
主人除咗會為打工 者準 備住宿同提供 三餐 之外,仲有糧出個喎!不過依個並唔係佢地成立依個組織嘅目的, 所以農場主人比大家嘅酬勞唔會話太高。

 

載入中...
收 聽
關鍵字: | 日本 | WWOOF | 農場 | 工作 | 體驗 |