李樂詩博士 Dr. Rebecca Lee Lok Sze

極地科學工作者

2016-08-19

唔知大家有無試過搭火車去遊學呢？

Jakal王淑儀我就試過因為工作關係係3日裡面搭火車去左英國3個唔同嘅城市，除左發現唔同嘅火車站有好唔同嘅建築風格之外，仲發現原來搭火車都真係大有學問。

首先，你要大概知道自己嘅行程會去邊d地方，如果你打算去嘅地方係有「火車通行證」呢一類，係指定時限裡面可以無限次搭火車嘅車飛，咁你就可以再衡量究竟有無必要預先買定呢一類相對方便嘅車飛，因為有部份地方嘅「火車通行證」，好似歐洲火車證，係當地係唔會出售，只能夠係境外地區先至買到，所以如果預早知道自己大概嘅行程，就可以預算到用「火車通行證」係咪會平過逐程逐程買飛，咁就可以係出發前預早購買，如果行程緊湊嘅話，既可以慳返d錢，亦可以慳返好多排隊買飛嘅時間。

至於票種方面，通常有得揀「連續」或者「彈性」，所謂「連續」嘅意思，就姐係如果你揀選3日嘅「通行證」，咁係買飛嘅時候就已經要訂明呢張「通行證」只可以係連續嘅呢3日內使用，但如果係「彈性」嘅票種，彈性就會大d，可以係一段較長嘅時限裡面，其中任何3日使用呢張「通行證」。不過，點都係要預先訂定時限，所以Jakal都係覺得搭火車去遊學，計劃好行程係相當重要。

以下落黎李樂詩博士同埋MiuMiu夏妙然，就邀請到年紀輕輕但係已經連續十年參與內地火車團嘅Wilho龍允浩同學，同我地分享一下佢係籌組火車交流團嘅體驗，聽下會唔會對你計劃火車遊學行程有所幫助丫！