李樂詩博士 Dr. Rebecca Lee Lok Sze

極地科學工作者

2016-09-02

大熱天時，一出街就好易搞到成身都係汗…… 所以好多人一返到屋企，可能都會好似Jakal王淑儀我咁樣，即刻沖返個涼，爽一爽先！但係對於露宿者黎講，要沖涼就未必係一件咁容易嘅事……

有見及此，係澳洲就有2位青年呀Nic同埋Lucas係布里斯班推出左一項免費沖澡嘅服務，將架車改裝成流動沖澡車，俾附近嘅露宿者使用。呢項服務宜家仲係試辦嘅階段當中，但係用過嘅露宿者都讚不絕口。

其實佢地除左整左呢架沖涼車之外，係前年亦都打造左一架流動洗衣車，為露宿者提供免費洗衣服務，呢項慈善服務更加係大受好評，所以目前全澳洲已經設置左11架咁樣嘅流動洗衣車。眼見免費洗衣服務咁成功，佢地今年就諗到再推出埋免費流動沖涼車，裡面配備左水箱、加熱器同廢水收集等等嘅功能，令到露宿者可以係車裡面舒服咁沖個熱水涼。

係澳洲，露宿者係要到慈善中心先至可以免費沖澡，宜加只要流動沖涼車開到佢地附近，佢地就可以享受到免費沖涼服務喇！而呢個洗衣車同沖涼車嘅服務，未來仲打算會推廣到其他地方試驗，雖然未知香港會唔會係其中一個試點，但係Jakal就覺得呢個計劃相當有意思，能夠好切實咁關顧到露宿者嘅需要，對社區多一點關心，亦都帶來多一點愛；

不過講到有愛心呢，唔止呀Nic同埋Lucas，以下落黎呢位嘉賓阿RICK鄧國威亦都好有愛心，因為佢係白衣天使，係澳洲從事護士嘅工作，黎緊仲好有可能會係海上工作，究竟阿RICK係澳洲做護士有咩難忘嘅體驗，即刻交俾阿Rick同李樂詩博士仲有MiuMiu夏妙然嘅分享丫！

(照片由被訪者提供)

Rick中途轉修護士課程，發現自己愛上這份很有意義的工作

護士課程訓練當中

寓工作於娛樂