李樂詩博士 Dr. Rebecca Lee Lok Sze

極地科學工作者

2017-06-23

去英國讀書就唔需要太擔心語言問題，因為基本嘅英語會話相信大家都有所掌握，不過正如我地廣東話有唔少日新月異嘅潮語，英文同樣有唔少潮語！最為熟悉嘅就係一D英文縮寫，好似omg 就係“oh my god”, lol就係“lots of laugh”, tgif就係“thank god it's friday”，呢D縮寫可能大家打Status嘅時候都有用過, 不過唔知大家又有無試過用「NBD」呢一個字典都有加入嘅潮語呢？呢個潮語同樣係一個縮寫，係「No Big Deal」（沒咩大不了）的意思。

除左縮寫嘅呢一類潮語之外，仲有另一類就係將兩個字夾埋，成為一個新嘅詞匯，好似形容係公共交通工具上「擘髀」霸佔座位的惡行，就叫做「manspreading」；至於，平時肚餓叫「Hungry」，餓到暈發脾氣就和「angry」結合創造出「Hangry」。

當然Jakal我都只係略知皮毛，有興趣認識更多嘅英文潮語，可以考慮好似今晚嘅嘉賓Heidy陳希夷咁去英國遊學，親身同當地人接觸，相信唔單止潮語，仲有好多可以學得到。咁究竟Heidy係英國讀書學到D咩？即刻聽下佢同李樂詩博士仲有MiuMiu夏妙然嘅分享丫！