learning
遊學全世界 Learning Adventure
遊學聽我講
遊學聽我講 > 李樂詩博士 Dr. Rebecca Lee Lok Sze
李樂詩博士 Dr. Rebecca Lee Lok Sze
李樂詩博士 Dr. Rebecca Lee Lok Sze

極地科學工作者


南非約翰內斯堡遊學記

2017-07-07

 

最近南非有一個爆紅嘅真人show節目,譯名叫做《真愛和一夫多妻》。顧名思義就係探討一夫多妻嘅婚姻關係下,究竟仲會唔會有所謂嘅「真愛」存在呢?而話明係真人Show, 主人翁當然就係一夫多妻嘅家庭成員,包括有享齊人之福嘅姆斯勒庫,同佢嘅4位太太以及佢地所生嘅10個囝囡。

佢表示做呢個節目嘅原因,係因為一般人會覺得一夫多妻係壓制女性權益、對女性不公嘅婚姻制度。而佢就希望俾人知道,佢地屋企並唔係咁樣,特別希望睇節目嘅男性觀眾能夠知道,既可以實行一夫多妻,但同時做一位體貼嘅丈夫。你或者未必認同佢嘅講法,但的而且確南非仲有唔少嘅家庭係奉行一夫多妻制,好似南非總統祖馬就有三位太太。

之不過,並唔係所有嘅南非人都可以享齊人之福,因為根據1961年落實嘅《婚姻法案》,只係涵蓋一夫一妻制,但為左照顧當地習俗,喺1998年,南非再落實《傳統婚姻法案》,允許傳統部落嘅婚姻登記,可以喺元配同意下實行一夫多妻。轉言之,即使你係南非人,都必須要來自傳統部族,並且得到第一任太太嘅同意先至可以再娶。

要了解更加多,最好就係能夠親身去到當地,不過就算未去到,聽下去過嘅人分享都係一個唔錯嘅選擇,以下落黎將時間交俾李樂詩博士,仲有MiuMiu夏妙然,同去過南非約翰內斯堡遊學嘅Heidy陳希夷同學傾下偈,了解佢喺南非有D乜野體驗!

 

載入中...
收 聽

關鍵字: | 李樂詩博士 | 一夫多妻 | 南非 |