夏妙然 Serina Ha

香港電台數碼台主持

2015-07-29

日本盆栽藝術, 即係我地平時叫開的盆景植物﹐大家有無見過呢? 盆栽藝術雖然佢唔似歌舞伎咁光芒四射，又或者寶塚劇團咁魅力誘人，但作為日本文化的精髓，佢絕對係處於國寶藝術中的首位架！

何謂盆栽？
其實盆栽顧名思義係栽培响盆中的植物。盆栽的精巧之處就係將自然的風景縮細到盆盤之中，响裏面種植樹木。依種藝術係需要非常高程度的技術，所以响世上從事依個行業的巧匠可以講話係少之又少。相信無論邊個都好,一旦被依項藝術深深打動同吸引之後, 都一定會從中得到精神同感官上的愉悅感！

歴史
　　　其實，對於盆栽研究我們可以追溯到古埃及，日文中「盆栽」就係來自中國漢字，依項藝術從7世紀開始就被傳入到日本。當日本遣唐使出訪中國歸來之後，他們帶返黎的文化藝術瑰寶當中就包括咗盆栽技術同藝術嘞。19世紀，熱海、兵庫的學者敲定咗「盆栽」一詞的使用，但依個詞就要過成1個世紀之後先至流行起上黎嘞。

到咗明治天皇時期，盆栽响日本逐漸風行起黎，好多珍奇瑰寶都被儲藏喺皇家庭園之中。與此同時，盆栽亦進入咗大量生產期並且出口到西方世界。當然﹐最具審美特性的藝術品就梗係留返响日本國內保存啦。之後幾十年間，社會對盆栽藝術需求激增，各種唔同盆栽展示遍佈全國，專門講解盆栽雜誌亦大量湧現，使盆栽藝術响日本文化中佔咗重要一席位。

製作盆栽的技巧

　　　製作盆栽關鍵就係在於選用易成形老樹幹。最流行的技巧就係栽植果啲生長中的樹幹粗壯的樹木，依啲樹木定植咗之後，根部容易生得得快，營養就能夠被吸收到分枝嘞。

　　　另一方面，對盆景愛好者黎講，挑選合適的盆景材料亦係另一項艱巨的任務黎架。好多盆景愛好者都會去苗圃度搵啲靚的盆栽材料。其實所選擇的盆栽材料必須要適應當地氣候，如果遊客將盆栽帶返自己國家，就一定要額外呵護佢地嘞。