Nicola

Nicola，因為松隆子的歌而自學日文，最後決定到日本深造，正正式式學日文。

2015-06-10

摺紙簡介
相信大家細個ge時候都有玩過摺紙啦。只要用一張正方形ge紙，唔需要用任何工具，就可以摺到好多好有趣ge嘢，好似紙船﹑東南西北﹑紙鶴﹑青蛙﹑飛機等等。

其實摺紙係摺或疊紙ge藝術黎，摺紙只需要透過摺疊ge技巧就可以創造出複雜精細ge設計。一般黎講係由正方形ge紙張摺成，但有時都會用唔係正方形ge紙摺ge，好似長方形、圓形、三角形等等，都可以用黎摺架。

歷史
中國摺紙响近代研究下發現 應該係源自於中國，而現代就普遍認為 摺紙係响日本得到更廣泛ge發展。喺中國古代，摺紙主要係小朋友用黎消遣時間ge一門傳統藝術。後來經日本摺紙創作家吉澤章 加以改良，令摺紙藝術得以復興起黎。

聽聞日本ge傳統摺紙早見於江戶時代（1603年─1867年）已經存在架嘞，但係當時依門傳統手藝並唔似而家咁嚴謹，製作過程入面中甚至會用到較剪黎幫手添架。

自1960年代起，出現咗好多唔同種類ge摺紙技巧 同 相關ge研究活動，被稱為「現代摺紙」。以組合式摺紙 同 傳統作品為基礎，衍生出各式各樣ge摺紙類型 同 設計方式。