李樂詩博士 Dr. Rebecca Lee Lok Sze

極地科學工作者

2017-07-21

斯里蘭卡有好多唔同嘅別名，古時嘅中國叫佢做獅子國，喺英國殖民統治時期就叫做錫蘭。除此之外，佢仲有一個相當富有詩意嘅名，就係叫做「印度洋的淚珠」，因為喺地圖上睇，斯里蘭卡就好似一滴鑲嵌喺印度洋上面的淚珠。

不過，要同大家介紹嘅唔係呢粒淚珠，而係「淚珠」旁邊嘅「淚痕」。呢一道「淚痕」 係位於印度東南端班本島與斯里蘭卡西北部曼納島之間，由一連串斷斷續續的石灰岩礁石和小沙洲組成，若隱若現蔓延48公里。佢地所在之處嘅海水極淺，深不過十米，唔少沙洲完全露出水面。喺深藍色嘅海洋背景上，呢一道淡藍同白色嘅「淚痕」非常突出。

而呢一道「淚痕」，更有可能係世界上最古老嘅橋 - 羅摩橋。根據印度史詩羅摩耶那，羅摩王子為左救俾蘭卡魔王擄走嘅愛妻，得到神猴幫助，由猴軍用左5日起成羅摩橋，終於能夠深入斯里蘭卡，同魔王大戰，成功救返愛妻。一直以來，羅摩橋都只係存在於傳說之中，無人提出過異議，亦無人試圖去證明佢嘅真實存在，但自從美國太空總署發佈嘅航天影像圖清楚顯示左上述嘅呢一道「淚痕」之後，就引起唔少人將呢一道「淚痕」同傳說之中嘅羅摩橋連繫喺一齊。

雖然呢一個聯想尚未得到證實，但從呢個討論嘅過程之中，令到更多朋友認識羅摩橋嘅呢一個傳說，以及係印度同斯里蘭卡嘅文化。不過，要了解一個地方嘅文化，最直接嘅方法當然係能夠親身去到當地。所以，以下落黎同李樂詩博士仲有MiuMiu夏妙然分享嘅呢位朋友，正正就係去過斯里蘭卡，參加國際服務團嘅郭怡欣同學。唔知佢喺當地又有聽到一D特別嘅傳說呢？

(照片由被訪者提供)

呢一道可能係全世界最古老嘅橋 - 羅摩橋